Pasó n'Avilés. El fiscal va solicitar al xuez la espulsión del estáu español de dos ciudadanos negros de Camerún a los qu'acusa d'intentar estafar a un home por aciu el timu de los billetes tintados. La condena inicial que pide pa ellos ye de nueve meses de prisión, pero que se va sustituyir pola espulsión. Unu de los acusaos, G.A.Y., tien solicitada la residencia temporal nel estáu y l'otru, S.C.S., cuenta con un resolvimientu d'espulsión dende l'añu 2005.
Los acusaos, según señala la fiscalía, contactaron con un home p'adquirir un xalé en Naveces. Los acusaos indicaríenlu que pagaríen-y con un dineru que sacaren del so país y que despintaren entintándolo. Utilizando diversos productos químicos y billetes auténticos de 50 euros como modelu, los billetes tintados convertiríense sorpresivamente en dineru de cursu llegal col que pagaríen parte del preciu del xalé.
El vendedor de la vivienda abarruntó del procesu y denunció los fechos, por culpa de que los dos acusaos reclamáronlu 18.000 euros pa la operación de 'destintado' de los billetes. La Policía detuvo a los dos acusaos antes d'efectuar la entrega del dineru alcordáu. Acúsase-yos d'un delitu d'estafa en grau de tentativa.
Sem comentários:
Enviar um comentário